E competencia di awa habri a tuma lugar na e XIX Weganan Panamericano Santiago 2023 unda nos representa Britta Schwengle a landa e 10km den e parke Laguna Los Moros. Mester bisa cu mirando e temperatura bou 17 grado, e wetsuit a bira obligatorio pa Britta y e otro competidornan. E field di competidor tabata uno di taya cu un total di 20 landado entre nan e mundialistanan di Merca, Brazil, Argentina y Canada cu a bini cu dos competidor. Britta a duna bon bataya y e keda concentra riba su careda. Na cada buelta Britta tabata avansa bon y tur a mustra cu e lo mehora su record personal cu varios minuut. Na final Britta ta marca un tempo di 2:07.28 cual tabata 10 minuut mihor cu su record anterior. Britta a keda na di 16 lugar overall den e Panam Games 2023.
Den un combersacion sosteni cu e hoben landado, e la conta nos cu apesar cu landa den un wetsuit no ta esun mas faborabel, e ta super contento di su prestacion. Mehora su tempo riba e 10 kilometer cu 10 minuut ta algo grandioso y ta nifica cu tin un adelanto como atleta. E lo sigui traha mas duro ainda pa un proximo oportunidad
E resultado final di e Openwater.
10 km m Femenino
Oro: Ashley Grace Twichell (USA) 1:57:16
Plata: Ana Marcela De Jesus Soares DA Cunha (BRA) 1:57:29
Brons: Viviane Eichelberger Jungblut (BRA) 1:57:51
