Cuts and Curves a bira awe diabierna e gym di mas grandi y luhoso na Aruba y den Caribe. Un bunita proyecto di propetario Jacinto Rasmijn y famia cu no tabata nada facil debi na e pandemia di corona a obstaculisa tur cos pero cu awe Jacinto por cana cu su cara na halto cu un inversion multi miyonario. Den su speech varios biaha Jacinto no por a contene su emocionnan ora e la papia di tur e personanan cu a lucha hunto cune dia aden dia afor durante tur e ultimo tres anjanan aki y cu awe e por a realisa e proyecto aki pa e Pueblo di Aruba.
Na Plaza Bida hunto cu su famia, su team, y invitadonan di honor, como tambe Ministernan Croes y Wever a habri e anochi cu e tono glorioso Aruba Dushi Tera canta pa Ghislaine Grant. Despues di e bunita y emocional speech di Jacinto Rasmijn a bay over na corta e cinta cora hunto cu meneer Da Silva cu den un principio a yuda Jacinto den tur su proyectonan y asina oficialisa Cuts and Curves na Seroe Patrishi. Mescos cu tur bishitante nos a haya un recorido den e gym y mester bisa cu e machinenan aki ta ultra moderno y specialmente traha pa Cuts and Curves cu porcierto e introduci un logo nobo. Cuts and Curves lo ofrece di A te Z cu nan personal amabel y cu conocimento riba e materia. Un gym ideal pa atletanan y no atletanan bin entrena den dje.
Majan diasabra lo tin e Opendag ya for di 2or di merdia unda tur hende por pasa y admira e gym mas nobo y modern di Aruba.
