Tur cos ta practicamente cla pa e 32nd Ronde van Aruba

by Seever Krozendijk
432 views

Awe diahuebs pa 7or di anochi, e organisadornan Ronde van Aruba MSK a duna inicio na e apertura oficial di e Ronde van Aruba 2024. E biaha aki a scohe militaire orkest di Mariniers Kazerne Savaneta pa habri e anochi den e sala di recreo di MSK na Savaneta. E persona encarga cu RVA, sr. Johan de Rover a duna un amplio splicacion di tur loke ta e reglenan durante e briefing aki.  

Notabel ta cu e anja aki tin 220 team du cual 149 estaffete, 14 single, 57 duo cual ta un record absoluto. Algun otro punto cu e resalta ta cu e prome grupo lo sali pa 8or exacto. Corda cu e wisselpost nan(und abo ta cambia di coredor) ta sera pues percura bo tey prome cu e ora stipula. E wisselpost na Bushiri lo sera pa 5or di mainta, e wisselpost na Arugas lo sera pa 6or di mainta y e finish lo sera pa 7or di mainta y Kazerne mes lo sera pa 8or di mainta. Esaki ta nifica cu tur hende mester yega prome cu e orarionan menciona sino bo mester bandona e careda. Tambe ta pidi pa na ningun momento laga bo coredor su so.

Mester bisa cu tabata tin hopi hende presente na e Briefing di awenochi. Tur cos ta mustra cla, e ambiente manera tur anja semper ta bon y e hendenan ta cla pa sende e cayanan di Aruba. E anochi a culmina cu un dushi Pasta Night pa asina tur hende conoce otro un rato mihor y den un ambiente fenomenal. 

Nos di 297sports lo ta majan all out for di trempan cu un cobertura Live y mas cu claro cu hopi potret hunto cu nos partnernan FotoHanna Aruba y nos drone cu tambe lo bula pa asina haya algun bunita shot di halto di nos participantenan. pa 8or exacto lo duna e prome senjal di salida

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs