Para-atleta Elliott Loonstra cu un di dos lugar den e ParaPan Americano di taekwondo na Republica Dominicana

by Seever Krozendijk
534 views
Cu Elliott Loonstra ta birando un super atleta di nivel mundial den e deporte di taekwondo esey ta birando un realidad despues cu awe Elliott a keda na di dos lugar di e continente America den su categoria y deporte. Pa logra algo grandi asina ta rekeri hopi disciplina, motivacion y dedicacion y oranan di entrenamento. Elliott a yega e gran final di e ParaPan Americano di taekwondo na Republica Dominicana cu ta un cualificacion pa Paris 2024.
Den e final Elliott a duna un tremendo bataya contra Brazil. Elliott a yega pa empata e ultimo match pa forza den extra tempo pa e sudden death. Aki e Brasilero a marca e punto lagando Elliott na di dos lugar
 
No obstante di esaki Elliott a demostra cu e por bataya contra e mihornan di nos continente y cu awor e ta un para atleta mucha mas mihor forma y desaroya. Elliott lo mester bay lucha pa drenta pa un spot pa e Weganan Paralimpico na Paris 2024
Un pabien na Elliott, coach Luciano Mazzeo cu sin duda ta un tremendo ayudo pa Elliott. For di basta aña atras nos por mira cu e duo Loonstra-Mazzeo ta inseparabel y cu exito. Tambe un pabien na su famia y Aruba Paralympics Committee.  

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs