Tremendo acuerdo di coperashon entre 3MCR Elite Placement y Team Bigshow Academy

by Jessica Krozendijk
809 views

Recientemente Sr. Mike Morelas CEO di 3MCR Elite Placement y Sr. Elwin Rincones Presidente di Team Bigshow Academy y Stars Baseball Organization tabata tin un reunion cu sigur a bai hopi fructifero.

3MCR Elite placement ta sigur bon conoci den region di Caribe pa nan experiencia y abilidad pa crea oportunidad nan pa mucha nan den e region di Caribe por jega na Beca “scholarships” pa por atende scol nan na Merca den diferente ramo di Deporte.
Mirando cu esaki ta algo sumamente importante y necesario pa Aruba, Sr. Rincones a acerca 3MCR como Isla den Caribe pa traha hunto
y desaroya un laso fuerte di sosten y coperashon y asina duna mas hoben riba nos dushi pida baranca e oportunidad pa realisa nan soño di studia y na mesun momento haci deporte den exterior
Coach Rincones a remarca cu mayoria mucha nan cu ta saliendo di Aruba pa atende skol nan na Merca riba nivel academico y atletico (estudio y sport) ta terminando esaki y cu hopi biaha esaki tin di haci cu e cultura di diciplina compromiso y consistencia di “traha duro pa logra bo meta nan” cu e studiante atleta ta siña desde chikito den su bida como parti di su formashon.
Cada oportunidad cu nos hoben nan ricibi pa por sigi cu nan estudio y na mesun momento judando nan mes academicamente y financieramente door di haci e deporte cu tanto nan stima ta un “win win situation” pa nos tur den tur sentido, ela termina bisando.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs