Marloboro a haya e noticia cu su miembro honorario Don Ruben Mansur a bay sosega den Reino di Dios. Nos ta extende nos mas sincero Condolencia na su yiunan: Eric Mansur, Ilienne Mansur, Ruben (Bincho) Mansur, Carlo Mansur y Izaira Mansur y nan famianan.
Famia Mansur no a duda na momento cu nan a crea e team di beisbol Marlboro 1958-1959. Sr. Ruben Mansur a percura pa crea un team cu peloteronan cu lo sintinan orguyoso pa forma parti di Marlboro BBC. Su persona a forma parti di e bestuur y tambe a a ocupa e puesto di president di e organisacion. E amor cu sr. Ruben tin pa su organisacion ta uno special y semper e la pone enfasis pa tin respet, dedicacion y responsabilidad pa cu e organisacion. Esaki tabata conta pa tur miembro di Marlboro for di president/bestuur, cuerpo tecnico, pelotero nan, masahista, batboy y farm system. E base cu sr.Ruben a implanta den e organisacion hunto cu sr.Efriam Brion tey te cu su presente.
E relacion entre e peloteronan cu sr.Ruben tabata unico y semper e tabata traha espacio pa scucha su peloteronan. Sr.Mansur nunca a laga ningun miembro atras pa compromiso cu e organisacion mester a cumpli cune. Sr.Ruben semper e la transmiti lo siguiente pa su peloteronan: “Train manera un campeon y bo lo bira campeon”. E organisacion a nace oficial na 1959 y na 1960 sr.Ruben hunto cu sr.Maxi Odor a conquista e prome campeonato di Lago y sub Campeon di ABBA.
Despues na 1969 a start cu e prome campeon di ABBA y sr. Ruben a cumisa planea cu su Bestuur y cuerpo tecnico miras pa bai gana Copa Antiyano. Den un tempo de 5 anja esaki a bira realidad. Ainda por corda sr.Ruben den stadion di RIF ta apoya nos peloteronan. E la lanta para y cu su voz firme:” Aruba pabien, nos ta campeon”. Na 1974 sr. Efraim Brion ta pasa e Copa di Antiyas na sr.Ruben Mansur e prome campeon.
Despues sr. Chu Halabi a bin cu e bunita idea pa Marlboro tin su propio ballpark. Sr. Ruben Mansur a percura pa esaki a bira realidad y ta hiba e nomber Don Elias Mansur Ballpark. Pa e opening di e ballpark sr. Ruben a invita pa bin Aruba sr. Billy Martin Manager di Yankees e tempo ey. E tabata pone enfasis cu peloteronan di Marlboro mester ta uniforma (top) na momento di training. Tur esaki tabata motiva e peloteronan pa duna mas di nan pa e organisacion. Peloteronan di e decada 70 cu a gana Copa Antiyano 1974, 75, 78.
