Despues di algun contratiempo Team Disjonrick ta cla pa Ironman Maryland.
Majan diasabra lo ta e gran dia pa e duo Disjonrick Jacosb y Brainer Lampe como tambe henter e team Disjonrick ora nan ta participando na e prome full Ironman na Maryland USA. Hunto cu Gerald Moreta y paramedico Junior Rivera a inspecciona e ultimo detayenan y a haci un recorido unda henter evento lo tuma lugar. A haya un splicacion di e organisadornan y esaki sin duda ta algo grandi. Pa e organisacion di Ironman Maryland tambe e ta un honor pa tin e Team di Disjonrick di Aruba hunto cu nan.
Mester bisa cu Team Disjonrick hasta tabata tin e honor to meet up cu Sam Long top athlete cu tambe lo ta participando na Ironman Maryland majan diasabra.
Keda pendiente unda nos lo ta informando cada paso di Team Disjonrick den e Ironman di Maryland. Di aki banda nos kier a desea Team Disjonrick tur clase di exito.
