Diasabra atardi nos di 297sports a pasa Pos Chikito ballpark, unda e conocido team manager di e seleccion di Corsow y manager di aña di e organisacion di Angels, Hainley Statia hunto cu Randolph Oduber y Thrive Foundation a tene un clinica pa nos hoben peloteronan den diferente edad. Dos aña pasa, manager Statia tabata na Aruba unda e la ofrece un clinica na pelotero y coachnan.
Mester bisa cu e hobennan peloteronan a siña tur loke ta e tecnicanan di infield y bateo di manager Statia cu a wordo asisti pa nos coachnan local como tambe pelotero prospecto di Angels, Kendrey Maduro. Hailey Statia a keda nombra como manager di aña di e organisacion di Angels e aña aki.
Anteriormente Hainley Statia a milita den seleccion Hulandes di baseball pa varios aña y a hunga minor league baseball den Double A y Triple A na Merca. Tambe Statia ta team manager di e seleccion di baseball di Corsow.
Thrive Foundation y Randolph Oduber un bes mas ta contento di por a trece un persona di taya manera Hanley Statia duna clinica na nos peloteronan.
