E weekend aki, lo tin un spectaculo di forza, unda atletanan local y internacional lo bataya den 6 diferente evento di forza,y asina un vez mas, wak ken ta Aruba’s Strongest Man! Esaki lo ta edicion number 7, organiza door di Mariniers Kazerne Aruba y e Grupo di Winde&Dine Aruba.
#TEAMISLANDSTRONG, un comunidad di forza, cu ta conta cu participacion di diferente grupo di training cu nan base den BodyFitnessGym na Oranjestad, lo mira 3 di nan atleta den competencia. Den e categoria -105kg lo tin Thomas Arends di Paradise Strength Aruba, cu aña pasa a mustra su nivel y keda riba podium den di 3 luga. Representando e team di Untamed Panda y compitiendo den e categoria di +105kg, Jeff Feliciana, lo mira pa mehora su posicion compara cu aña pasa unda e la Sali di 7, despues di un aña fuerte di training, pa e biaha aki e logra subi podium, y finalmente tin atleta representando su team di BayenaStrong den e categoria di +105kg, Marcel Willems cu aña pasa a mustra di ta un candidato fuerte pa hiba e titulo, y a logra podium cu un di 3 luga. Entrenadornan Jason Li y Jonathan Wever lo ta presente pa asina yuda e atletanan aki duna nan tur!!
Evento lo ta diaberna, diasabra y diadomingo awor, cu un start time di 6 or di atardi te cu 9 or di anochi, lo tin tremendo ambiente musical, cu varios banda y DJ presente! Asina ta, nos ta warda boso!
