Diadomingo mainta a tuma lugar Campeonato Regional di Triathlon na Puerto Rico unda nos delegacion di Triathlon a haci un tremendo trabou y ta bin cu hopi medaya cas. Nos atletanan di Youth den e distancia di Super Sprint Jeon Fernandes ta gana plata overall y den su age-group tambe ta gana plata. Xyon Jacobs ta yega na di 5 lugar overall y ta gana oro den categoria 12-13 aña.
Pa loke ta trata den categoria Elite atletanan Christiaan y Rebecca Jansen ta logra plata. Pa den categoria U17 Christiaan ta gana oro y Rebecca den categoria 18-19 aña tambe ta gana oro. Atleta Jayderick Geerman ta gana tambe medaya di brons den categoria 18-19 aña.
Atleta Dylan Giel ta participa pa prome biaha den un competencia di World Triathlon y logra un tremendo tempo. Zair Croes tambe ta logra termina su careda exitoso.
Despues di un siman di training, test y lanta madruga awe mainta a yega e competencia y logra asina tanto premio den tur e pais grandi ta un logro hopi grandi pa Aruba.
ATA sigur ta hopi orguyoso di Team Aruba. Pabien na mayornan y tur coachnan cu ta yuda nos atletanan bay padilanti.
