Seleccion nacional femenino e regresa for di Corsow cu animo halto

by Seever Krozendijk
507 views

Despues di torneonan internacional den e divisionnan hubenil desde 2021, awor ta nos seleccion grandi a cosecha exito den un torneo cu a conta cu dos pais fuerte y mas halto cu Aruba riba e ranking mundial. Nos seleccionnan di futbol femenino a demostra cu desde 2021 cu e prome titulo internacional logra den historia di Aruba su futbol femenino den e torneo di Caribbean Football Union-CFU, cu mester tene cuenta cu e bon desaroyo di nos futbol bou di e damanan.

Cu e incorporacion di e hungadornan femenino den e Academia di futbol di AVB, ya por a mira un progreso enorme bou di nos hoben futbolistanan. Na 2022 y 2023 den e torneonan di Concacaf na Tampa, Florida y e torneo di CFU na Antigua & Barbuda nos seleccionnan a demostra cu Aruba sin duda tin su puesto den e futbol di Caribe logrando den tur dos torneo un di dos lugar dilanti hopi paisnan grandi. Mas cu claro esaki a haci cu nos seleccion nacional despues di algun anja por a conta cu un base solido y durante e torneo di Caribbean Queen Tournament teni na Corsow, Aruba ta conkista un prome lugar dilanti Corsow y Trinidad and Tobago.

Nos seleccion a sa na gana dos wega, empata uno y a cay venci un biaha so. Aruba tin varios seleccionado biba na Hulanda y cu hunto cu esnan na Aruba nan ta lucha pa tene na halto e bon nomber di Aruba den Caribe. No por keda sin duna credito na tur e coachnan cu a yuda y contribui na e bon desaroyo di nos damanan desde 2021 y prome cu esaki caba. Mas cu claro awor cu e staff tecnico bou guia di e entrenador profesional hulandes, Arjan van der Laan nan lo sigui traha pa asina tin un bon continuidad den cada futbolista unda mihor so nos por bira di loke nos ta sinja. Ta keda na cada un di nos pa sigui apoya y duna nos sosten maximo na e futbol femenino. Nos ta contento cu cada biaha nos pasa terenonan di futbol ta mas mucha muher so nos ta mira den e diferente organisacionnan 

Awe na airport den e VIP room, Minister di Ensenansa y Deporte, sr. Endy Croes a dirigi su mes cu palabranan elocuente na nos seleccionadonan. Tambe nos a combersa cu Soraya Verhoeve cu ta un hungador profesional di Ajax, Amsterdam cu a conta nos con orguyoso e ta pa representa Aruba y kiko e ta pa hunga cu su companeronan den e seleccion di Aruba.

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs