Manera nos a anuncia caba algun dia atras cu na Aruba lo hunga e gruponan G, H y I.
Den grupo G nos tin Anguilla, St. Vincent & the Grenadines, Aruba All Stars* y Guyana.
Den grupo H nos tin Saint Lucia, Aruba, French Guyana y Martinique.
Den grupo I nos tin Turks & Caicos Islands, Dominica, Bonaire, Guadeloupe.
AVB y Aruba ta cla pa host e torneo mas grandi di Concacaf den Caribe. Un invitacion cordial ta bay na henter e comunidad di Aruba pa yega stadion Guillermo Trinidad na Dakota y apoya henter e torneo di futbol Girls U15 sin lubida di duna bo sosten maximo na nos dos seleccionnan esta Team Aruba y Aruba All Stars. Den e ultimo 3 añanan nos a disfruta di Aruba su prestacion via television unda na 2021 nos a coy campeon CFU na Republica Dominicana, na 2022 nos damitanan a obtene un di 2 lugar Concacaf na Tampa, Florida(US) y na 2023 nos a logra un bes mas un di 2 lugar den e CFU na Antigua Barbuda. E biaha aki ta bo oportunidad pa bin apoya Aruba pero na cas.
