Nos muchanan di BMX a score un bes mas den e weekend tras di lomba den un careda internacional. E hobencitonan di Roughriders Aruba tabata presenta na Silver Dollar Nationals na Las Vegas, Nevada unda tabata tin un record breaking nacional cu 449 moto.
Mester bisa cu a cuminsa cu e hoben Kailen Wouters cu tabata tin 45 mucha di 8 aña experto den su class.Unda cu ela bay 6 final over di e weekend. Den open class expert, a bay 2nd riba diabierna, 1st riba diasabra y 1st riba diadomingo. Den 8 aña expert boys ela logra un di 7, un di 3 y ultimo dia un di 8.
Levi Keteldijk tabata tin 50 mucha den su categoria di 10 aña experto y a logra quarters riba prome dia den Open class y den edad ta cay afo den round 2.
Di dos dia y di 3 dia ta cay cortico atrobe di pasa pa e Quarter final apesar di a bataya duro.
Neymar Rasmijn tambe cun prestacion estelar na unda cu riba prome dia ta coi un di 4 luga den 8 aña intermediate y semi final den mix open. Riba diadomingo ta logra semi final den tur 2 categoria.
Sigur un nomber cu nos lo scucha mas di dje den futuro. Asina aki e team di Roughriders ta habri racing season di 2023 riba bn pia.
Siguiente lo ta Houston texas den luna di februari unda cu Roughriders Aruba lo tin un otro militancia di coredor nan di caliber pa representa nos isla den BMX.