Jaxx Fowler aka Lightning Jaxx a logra un di dos lugar den e finals di e season 2023 BMX USA/Canada na Tulsa Oklahoma

by Seever Krozendijk
681 views

Durante siman 21-26 November Jaxx a participa na varios careda na Oklahoma. Cuminsando riba 21 di November na “Sand Springs BMX”, caminda ela competi den categoria 6X. Aki Jaxx a finalisa na segundo luga den e main event. Diahuebs Jaxx a competi na “Hardesty BMX”, aki a logra gana prome luga. Riba Diasabra Jaxx a participa den “Grand Nationals” (Tulsa), cu ta wordo considera “The Greatest Race on Earth”. Aki e miho coredonan y teamnan di BMX rond mundo ta topa otro. Despues di a bataya fuertemente contra e miho coredonan di USA y coredonan cu e titulo di NAG 1, ROC 1/ GOLD CUP 1 y tambe GOLD CUP 1/NAG 1 di CANADA, Jaxx a avansa pa e main event. Riba Diadomingo Jaxx a logra conquista e segundo puesto den su categoria 5 aña “Expert”. Asina Jaxx a logra obtene e titulo di NAG 2 di BMX USA/CANADA p’e season 2023. Jaxx a keda masha contento cu e titulo di rank #2 di e miho coredonan den su age class. Ta bon pa remarca cu aña 2023 tabata e prome season di Jaxx. Cu edad di 4 aña a participa den e USA BMX competition den categorianan di “strider” y “novice” na e caredanan di “Silver Dollar Nationals”, cu a tuma luga na Las Vegas. Despues di a gana e caredanan den e categoria di “novice”, Jaxx a wordo promovi pa e categoria di “intermediate”. Despues di a gana caredanan den e categoria aki, Jaxx a keda promovi den e categoria di “expert”. Mester bisa cu ta algo excepcional cu den un solo season un hoben cu a cuminsa cu 4 aña novice a logra gana segundo luga den “Grands” como 5 aña experto. Pa cu esaki Jaxx a ricibi fuera di trofeo su “licence plate” NAG2 cu e lo usa durante season 2024 na Merca. Varios organisacion di BMX na Merca a aserca Jaxx pa sign up y core pa nan. Mientras cu deliberacionnan y negociacionnan ta andando Jaxx lo sigui core bao bandera di su dushi Aruba por lo tanto.

Jaxx kier a gradeci tur su sponsornan: Subway, Yrausquin & Sons, Eumar Lock, Tat Fat, Pes Heavy Equipment, Medwork, Intelco Group, Helmeyer Dental Clinic y Brutto. Tambe su coaches, famia, bmx buddies y especialmente su tata cu a haci tur esaki posibel. Por ultimo ta desea Jaxx tur clase di exito pa temporada 2024.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs