Por menciona cu riba 18 di September Jaxx a participa den un local race na San Diego (California) den categoria 5 aña “Intermediate”, na unda a logra sali na prome luga.
Riba 23 di September Jaxx a sigui participa na e caredanan di “SoCal Nationals”, Los Angeles. Aki Jaxx a logra sali na prome luga den tur tres careda di e “main event”, es ta riba Diabierna, Diasabra y Diadomingo.
Riba 29 di September Jaxx a sigui biaha pa Daytona (Florida) pa participa na e caredanan di “Sunshine Nationals”. Aki Jaxx a wordo promovi pa “Expert”. Riba Diabierna Jaxx a logra keda na di dos luga den e main event, riba Diasabra Jaxx a logra un cuatro puesto den e main event. Finalmente riba Diadomingo a finalisa riba un segundo puesto den e main event.
Ta bon pa remarca, cu aki na Daytona Jaxx tabata e unico coredo di 5 aña participando den categoria 6 aña “Expert” haciendo Jaxx e coredo mas jong den e categoria. Jaxx a bataya cu e miho coredonan di USA manera e rank #1, rank #4 y #1 Gold Cup champion riba tur 3 dia.
Riba 27 di Oktober ultimo Jaxx a participa den e di dos “Nationals” mas grandi di Merca, es ta “Fall Nationals” na “Rock Hill BMX Supercross Track” (South Carolina). Aki e miho coredonan di mundo a bin pa acumula ultimo puntonan pa un bon clasificacion pa aña 2023. Tambe kier a remarca cu “2024 BMX Racing World Championships UCI” lo tuma lugar na e mesun pista aki. Riba e prome dia di careda (diabierna ultimo) Jaxx a logra conquista un segundo puesto. Riba e siguiente dia (diasabra) Jaxx a finalisa riba un segundo puesto den categoria 6 aña “Open” y riba mesun dia Jaxx a finalisa riba un segundo puesto den “main event” den categoria 5 aña “Expert”. Asina a core den dos diferente categoria riba mesun dia. Riba Diadomingo Jaxx a logra conkista e prome puesto den “main event” den su categoria “5X”.
Na November awo Jaxx lo participa na e caredanan di Grand Nationals, Oklahoma. Esaki lo ta e ultimo careda importante pa aña 2023, cu ta wordo considera “The Greatest Race on Earth”. Actualmente Jaxx ta #2 riba ranking BMX USA/CANDA.
Nos ta desea Jaxx tur clase di exito den e caredanan venidero.
