Hoben atleta di bike cross, Kailen Wouters ta sera su aña cu 36 trofeo acumula na Merca

by Seever Krozendijk
750 views

Atletanan di bike cross a haci un tremendo papel den e aña deportivo. Na casi tur evento cu nos atletanan a participa na dje, nos muchanan di Aruba a sa na subi podium pa tuma premio di un, dos of tres lugar. Un di e atletanan cu sin duda a sobresali ta Kailen Wouters cu entre e 36 caredanan cu e la participa na dje e tabata tin e honor di subi podium por lo menos 28 biaha. Aki Kailen a termina na number 17 den e categoria boys 9. Despues di a lesiona y Kailen no por a acumula puntonan valioso na Grands cu tabata conta dobbel. 


Mas cu claro Kailen tabata exitoso otro parti di mundo tambe manera Colombia. Aki Kailen a domina categoria di 9 aña unda e ta keda Campeon den e Copa Antioquia na Medellin. Na Hulanda, Kailen ta keda Campeon di Hulanda den 2 differente careda di Top competencia den boys 9. Na Alemania, Kailen ta titula number 5, den boys 9-10 den e 3 Nations Cup na Ahnatal, Germany. Den Latino Americano, Kailen ta keda titula como Campeon den Boys 9 na e careda cu a tuma lugar na Aruba unda e mihornan di region Latino America a bin competi aki na nos isla. 


Pa culmina e obra magistral di Kailen Wouters. E hoben a competi den e campeonato mundial di UCI BMX na Escosia. Aki e hoben di Kailen di Aruba a logra un di dos lugar den boys 9 aña cual tabata un prestacion di kita sombre. E mihor pa un coredor hoben masculino di Aruba den un campeonato mundial di BMX. Esaki ta e logro mas grandi di Kailen carera na nivel mundial.

Y pa finalisa e resumen, Kailen ta keda como Atleta di Anja 2023 den e categoria di Rising Star, un bunita reconocimento pa e trabou duro desplega henter e aña deportivo 2023. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs