Shanayah Howell ta logra yega te semi-final den e Weganan Panamericano Santiago 2023 na Chile

by Jessica Krozendijk
1K views
Un resultado cu kizas Shanayah no a aspira pe, ya cu e kier a yega e final. E atleta di bike cross, Shanayah Howell a keda cortico pa un lugar den e gran final di e Weganan Panamericano Santiago 2023. Shanayah a logra un di 9 lugar overall, e mas halto conkista pa un atleta di Aruba den un competencia di BMX Panamericano. 
 
E unico dia di competencia di BMX a tuma lugar pa nos atleta elite di bike cross, Shanayah Howell. Shanayah mester a core prome 3 heat di clasificacion pa despues mira si e lo logra pasa pa e semi-final. Mester bisa cu Shanayah a logra posiciona su mes un biaha como e number 3 y dos biaha como number 4 den e heatnan cori. Cu esaki Shanayah ta logra pasa pa e semi-final.
 
Den e semi-final, Shanayah ta cori den heat 1 unda tambe a core e campeon Olimpico, Mariana Pajon. Mester bisa cu Shanayah a duna bon bataya y ta sali na di 4 lugar den e semi-final den e prome heat di 3. Den e di dos heat e ta logra un di 7 lugar y den heat tres un di 6 lugar. Esaki no tabata suficiente pa logra un paso pa e gran final di e BMX Panamericano unda e mihornan di e continente America ta competi. Shanayah a keda net un posicion cortico

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs