Diahuebs atardi TT BILLIARDS tawata e scenario unda a bini hunto pa duna e legendario biljarista Arubano Richard Wolff, su merecido reconocimiento. Despues cu Ditto Acosta, Elvis Evertsz y Bryan Farah a hiba palabra, Sr. Glenn Croes di Pizza Hut Aruba a otorga e plakaat na e Legendario “Wolfman”. Tambe presente tawata e conocido “Capo di Billiard” y lider di e cuna di billiard, Snack Ranch, Richard “Shory” Giel cu a hasi e break di inaugracion. Di biaha a ranca sali cu e torneo internacional unda a mira batayanan fuerte. Awe diabierna e torneo ta comtinua pa 6or di atardi y majan diasabra for di 1or di merdia den e palacio di billiard na Tanki Leendert. Tur hende ta bon bini, entrada gratis, bon cushina y prijs na bar ta amical.
Por siguie e score via e link aki
https://cuescore.com/tournament/Dutch+Caribbean+2023/28085980