Diadomingo día 3 di December a tuma lugar nos acostumbrado campeonato hubenil di dam pa anja 2023. E campeonato mester a wordo hunga den 2 categoria. Uno cu hobennan entre 14 y 19 anja y uno pa nos muchanan te cu 13 anja. Den e categoría te cu 19 anja no a presenta ningún hungador. Den e categoría di bou di 14 anja a presenta 11 hungador. Pa via di tempo nos no por a laga tur mucha topa otro, pero a scoge pa un sistema swisa unda ganadornan ta topa otro. Después di 7 rond, tawata tin solamente 1 hungador cu a gana tur su partidanan. Esaki ta Xyon Jacobs. E la score 14 punto y a bira campeón den U14 pa anja 2023. Na segundo lugar nos ta haja e mucha muher Jaylee Krozendijk cu a perde 2 wega y a gana 5, e la score 10 punto. Na tercer lugar tawata tin un empate entre Henry Lacle y Shaun Emerenciana. Ambos a score 9 punto. Henry Lacle a score mihor contra e ganadornan y a keda na tercer lugar.
Ganadornan a haja nan trofeo y un Christmas Basket pa nan prestación.
E Campeonato hubenil aki a wordo patrocina door SSA y Lotto pa Deporte.
