Perla Gymnastics Aruba a host e competencia nacional di Gimnasia Ritmica

by Seever Krozendijk
293 views

E fecha 30 di Maart 2024, a marca un dia hopi importante pa e bunita deporte di Gimnasia Ritmica na Aruba! 25 di Feb 2015, Aruba a ser conoci pa prome biaha den historia e introduccion di Rhythmic Gymnastics na Aruba. Adriana Sevilla ta e persona clave tras di un logro tan grandi pa Aruba den e disiplina aki y cu awe por bisa cu Aruba tin un selectie team di Ritmica pa representa nos bunita isla den exterior. Perla Gymnastics ta e cuna unda Adriana hunto cu su casa Miguel ta brinda e bunita deporte pa e pueblo di Aruba. Un desarollo di mas cu 6 aña preparatorio ta e trajecto necesario pa crea gimnasta nan riba nivel halto pa asina por participa na competencia nan internacional, cargando nos nos bunita bandera di Aruba cu orguyo!

Perla Gymnastics ta sumamente contento cu e apoyo preparatorio cu FGA a brinda den e iniciacion y logro di e bunita competencia aki. Sin laga afo Jimmy Palma, cual ta e persona encarga di na comienso pa trese Adriana Aruba y a kere den e abilidad y profesionalismo di Adriana, cu awe y tur esnan envolvi por bisa cu Aruba tin un selectie team di Rhythmic Gymnastics. Perla Gymnastics lo sigui brinda oportunidad nan necesario pa e pueblo di Aruba den e mundo di gymnastics, pa asina logra un dia gana oro den competencia nan renombra rond mundo.

Manera Perla Gymnastics semper ta bisa: Sin e apoyo di e mayornan, nos no lo por tin e posibilidad di brinda e deporte aki, cu e meta pa nan yiu tin miho futuro.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs