Bondscoach Arjan van der Laan a duna su prome entrenamento na e seleccion nacional di futbol femenino

by Seever Krozendijk
438 views
Diamars mainta nos di 297sports tabata presente na Centro Deportivo Frans Figaroa na Noord unda nos a experiencia e prome encuentro entre e seleccion nacional di Damas di Aruba y e bondscoach recien adkeri pa AVB, esta Arjan van der Laan. 
Bondscoach Arjan van der Laan tin un UEFA Pro License, y tabata headcoach di Seleccion Damas di Hulanda unda su persona a traha hunto cu Sarina Wiegman como su coach asistente. Coach van der Laan na banda di ta bondscoach e lo tin e tarea den prepara nos mesun coachnan local pa tuma liderazgo di nos seleccion y yuda AVB habri e caminda pa mas posibilidad pa nos futuro futbolistanan femenino haya e oportunidad entre otro na Hulanda.
Por a mira cu nos damanan tabata entusiasma y tabata scucha y pone hopi atencion na cada movimento pa asina ehecuta cu precision.  Mester bisa cu e seleccion femenino anteriormente tabata den man di Veron Albertsz y su staf tecnico. Sin duda Veron, Milly Henriquez y e otro miembronan a haci un tremendo trabou unda cu nos selccion femenino despues di hopi anja a luci den e ultimo torneo logrando vario victoria clave. E publico na aruba a disfruta di e weganan di e seleccion nacional femenino. 
Keda pendiente pa un entrevista cu nos a realisa cu presidente Randolf Lacle riba e adkision nobo di Arjan van den Laan
 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs