Master Melvin Rasmijn, Master Yoshmar Wever y Master Miguel Genser di Chaco Taekwondo Academy
a completa e di 103 Internacional Masters Course y e di 54 Poom/Dan Examiners Course cu a wordo duna pa Grand Master Jae Yoon An, Grand Master Jung Gu Choi, Grand Master Bong Hyundia
Jungy y Grand Master Ki Hong Kim na Bogota, Colombia.
E curso tabata for di mainta te cu anochi 7’or y tabata consisti di e topiconan, Historia di Taekwondo, Spirito di Taekwondo, Maneho y Reglanan di Testnan pa Promocion, Terminologia Basico di Taekwondo,
Poomsae, Gyeorugi y Self Defense(Hoshinsul).
Pa 6 dia nan a siña tecnicanan nobo cu ta rekeri pa Dan Examen, Strategia, Teoria y Filosofia. Durante e curso a train hunto cu otro Grand Masters y Masters di Taekwondo di otro Paisnan cu tambe a bay pa haci e curso.
Pa por a logra e dos certificadonan di International Masters Course y Poom/Dan Examiner Course nan mester a haci examen y a logra haña certificacion acredita pa Kukkiwon. Cu e logro grandi aki Aruba ta conta cu 3 Masters cu ta acredita pa Kukkiwon pa duna examen di faha preto na Aruba.