Na Balashi Beer Garden na Barcadera, e team di ciclismo Biking Squad Aruba a batisa nan uniform nobo. Den presencia di e representantenan di Powerade/Tropical Bottling Company y henter e crew di Biking Squad Aruba a bendiciona e uniform nobo y mas cu claro awor nan ta cla pa nan recorido riba bicicleta.
Presidente di Biking Squad Aruba, Rubert Paesch tabata masha contento cu nan por a realisa nan di 5 bautismo di uniform den 4 anja di tempo. E ekipo di Biking Squad ta mas cu simplemente un ekipo di ciclismo, e team aki ta manera un famia. Tambe Rubert kier a gradici Powerade pa e bunita tent cu nan a haya regalo pa asina durante nan caredanan nan miembronan por setup na gusto sin worry mucho cu e solo cayente. Pa es motibo aki tambe Rubert kier a reconoce algun miembro cu semper a bay e extra mile demostrando un disciplina y motivacion y cla pa yuda e ekipo progresa. Aki Rubert a reparti 4 bunita medaya como reconocimento pa e bon trabou di e personanan. Esnan cu a wordo reconoci ta Gelisa Angela, Frans Tromp, Afke Goedgedrag y Ruynenne Peasch. Tambe a duna un reconocimento den forma di plakaat na representante di Powerade, sr. Richard Giel cu a tuma esaki den nomber di sr. Rowald Werleman. E acto di bautismo a ser efectua pa Richard Giel y Gelisa Angela cu e basha Powerade riba e uniform, porcierto uno colorido y bunita.
E ekipo di Biking Squad Aruba ta exist 4 anja caba y ta participa na tur careda organisa pa e federacion di ciclismo Arubano, Aruba Wielerbond. Nan ta participa den e eventonan di mountain bike. E team ta consisti di hende homber y muher como tambe algun hoben y awor tambe muchanan jong y hasta striders. Na final a canta happy birthday ya cu Rubert a celebra su fecha natal awe hunto cu su ekipo di Biking Squad Aruba.
Pabien y exito na Biking Squad Aruba
