459
Dialuna mainta e Weganan Panamericano.2023 a continua na Santiago, Chile unda nos tres landadonan, Timmer, Schreuders y Groters so a competi den e Centro Acuatico.
Elisabeth Timmer a landa e 100m Estilo Liber unda e ta marca un tempo di 57.86. Cu esaki Elisabeth no a logra avansa pa un final A of B. Elisabeth ta keda na di 18 lugar overall.
Despues a sigui cu e landado Mikel Schreuders cu a landa e 100m Estilo Liber. Aki Mikel ta landa un tempo di 49.88 cual tabata bon pa un di 13 lugar overall y asina Mikel por landa e final B mas den oranan di atardi.
Por ultimo, Patrick Groters a landa e 100m lomba unda e ta finalisa como number 3 den su heat. Cu su tempo 56.36 e ta keda na di 12 overall bon pa un final B awe tardi.