Despues di a wak algun comentario nos a dicidi di post esaki e ta un poco largo pero sigur un realidad….
E siman aki so, tawata tin 2 accident cu ciclista envolvi.
Hopi hende ta punta dede cu e ciclista mester mantene su mes na regla di trafico, pero what about e automobilista mes? Cuanto biaha bo por mira peaton para pa cruza riba zebrapad y e automobilista ta pasa bay tur cu tin? Awo si e ciclista baha su bais y cruza, cuanto automobilista lo para y sigui regla di trafico?
Tristo pa bisa, pero hasta si e ta para den un fila na momento cu mira ciclista ta bay pasa, tin automobilista ta sigui hala dilanti y por wak cu e no tin espacio pero toch ta keda pusha, pakico?
Gran mayoria di ciclista conciente ta core hopi visibel riba caminda, cu nan lus nan y helm y cu paña nan visibel, berdad mester core uno tras di otro, pero esaki tin su motibo, pidiendo abo automobilista pa mantene poco distancia na momento di pasa bay.
Cuanto biaha un auto ta pasa bay asina serca di un ciclista, of di e trafico contrario paso bo no tin pasenshi of dis no kier coopera.
Ta wordo bisa cu ora abo como automobilista bisa algo, e grupo di ciclista ta wak bo cu cara zuur? Bo sa cuanto biaha nos ta haya un te aya manda? Nos bida riba e bais ta hopi mas vulnerabel compara cu abo den auto, miho warda un rato cu bo ocasiona algo grave.
Ta wordo bisa cu mester practica e deporte unda ta asigna pa esaki? Wel si, nos ta gradici cu nos tin un fietspad pero ora bo ta hasi uso di esaki, bo ta hayabo cu persona nan canando den e parti pa di asfalt cual ta pa bais y aki tambe no grita mucho duro pidi despensa of grita bais, paso aki bo ta haya tambe.
Boso bay practica den mondi, wel esaki ta un parti cu hopi ciclista sigur gusta paso e bista cu nos por haya ta unico y un experiencia super. Pero encaso shon automobilista no sa, pa hasi esaki toch tin biaha bo ta hayabo ta usa caminda pa por yega den e trail nan aki.
Ora algo pasa, tur comentarionan ta negativo contra e ciclista. Pero dicon no sinta y puntra mayoria ciclista nan opinion? Combersa cu un paar y sa kico ta nan dia aden y dia afo ora nan ta riba e bais y spera cu bo mentalidad por cambia un tiki y post esaki “mi ta spera e ciclista ta ok”.
Nos no por lubida cu kisas e dia di mayan bo propio familiar por ta riba un bais y bo lo sinti rabia ora e sinta conta bo su experiencia.
Un danki di curason na tur automobilista cu na momento mira un ciclista ta coopera y duna su distancia pa pasa bay.