970
Oficialmente e weganan a inicia pa e delegacion di Aruba unda e landadonan Timmer, Schreuders y Groters a mira accion den e Centro Acuatico na Santiago.
Elisabeth Timmer a landa e 200m free unda e ta marca un tempo final di 2:08.59.
Elisabeth a inicia na su prome competencia Panamericano na Santiago, Chile. Mester bisa cu Elisabeth a landa den in elenco lihe cu Merca, Brazil, Chile, Canada, Mexico y Honduras. Den e prome buelta ainda Elisabeth a tene bon cu e otro landadonan pero despues a cay atras pa finalisa un di 7 lugar den su heat y 19 overall. Elisabeth su splitnan tabata 29.10, 1:01.20, 1:34.48. Elisabeth no ta logra e final A of B den 200m free.
Mikel Schreuders ta landa su 100m mariposa den un tempo 55.92.
Un di Aruba su top landadonan, Mikel Schreuders a mira accion awe riba e prome dia di competencia den e Weganan Panamericano Santiago 2023. Mikel a landa e 100m butterfly of mariposa. Aki Mikel a start bon unda den su prome buelta e ta bira cu un split di 25.54 pa despues remata marcando un tempo final di 55.92. Mikel ta gana su heat 1 pero no ta logra pa landa un final A of B unda e ta cay net afor di e top 16 cu un di 18 lugar overall
Patrick Groters ta landa un tempo di clasificacion final B net no final A
Patrick Groters ta un otro di Aruba su top landadonan masculino cu a mira accion den e Centro Acuatico na Santiago. Patrick a landa e 200m lomba y aki den un super landa, Patrick ta marca un tempo di 2:04.50cu un splitnan di 28.68, 59.94, 1:32.39. Cu esaki Patrick a termina como number 3 den su heat un 9 lugar di overall. E prome 8 landadonan ta den final A.
E tempo Patrick ta bon pa un final B den oranan di atardi.
Pabien y Exito Patrick.
