765
Diasabra y diadomingo, Nicole van der Velden lo competi den e Grand Prix mundial di sailing cu Team Spain, e pais unda e la nace. E SailGP ta un di e mas grandinan mundialmente den e deporte aki
Esaki ta un di e categoria di mas halto den sailing mundialmente unda Nicole ta e strategia di su ekipo. Aunke e sentimento ta mixto nos mester ta super orguyoso di e atleta van der Velden cu na 2016 a representa Aruba den e Weganan Olimpico di Rio de Janeiro, Brazil. Es mas Nicole a competi varios biaha bou di e bandera di Aruba unda semper e la defende esaki cu tur honor. Nicole van der Velden ta e prome atleta Arubano cu oficialemente a clasifica pa e Weganan Olimpico. Na Rio de Janeiro hunto cu su partner Thijs Visser nan a logra gana dos biaha un heat den nan disciplina.
Nos di 297sports kier a desea Nicole van der Velden y Team Spain tur clase di exito.
