886
Master Groomer, Clarice Holman di Aruba a wordo solicita pa bay prepara (groom) cachonan di show un bes mas. Clarice a bay inicialmente pa prepara 2 cacho (standard poodle) procedente di Irlanda. Ora Clarice su talento y trabao a resalta, el a wordo pidi pa groom 2 cacho adicional procedente di Irlanda y Inglatera. E cachonan a logra haya reconocemento di juez (V.H.C- very highly commented) y tambe gana premio.
Aruba a forma parti di un team di grooming consistente di groomernan di Merca , Alemania, Irlanda y Inglatera. Logronan historico pa Aruba den e ramo di Professional Dog Grooming.
Clarice ta comparti cu Inglatera ta un pais sumamente “dog friendly ” y consciente di cuido di mascota y ta anhela pa un dia e wak su dushi Aruba tambe riba e nivel aki.
Masha pabien cu e exito y reconocemento Clarice Holman y pa representa Aruba dignamente na nivel internacional den e mundo maraviyoso di competencia di cacho.
Recientemente a tuma lugar e dog show di mas grandi y bieu na mundo na Inglatera cu yama “CRUFTS”.
Un dog show cu ta existi pa 150 aña caba y e aña aki tawata tin alrededor di 24.000 cacho di rasa inscribi di tur caminda di mundo. Tur cacho cu participa na Crufts, mester tin titulo minimo di “champion ” caba y logra cualifica pa inscribi cu un aña di anticipacion. Ta cachonan di caliber cu trayectoria impresionante den nan carera di show.
Un dog show cu ta existi pa 150 aña caba y e aña aki tawata tin alrededor di 24.000 cacho di rasa inscribi di tur caminda di mundo. Tur cacho cu participa na Crufts, mester tin titulo minimo di “champion ” caba y logra cualifica pa inscribi cu un aña di anticipacion. Ta cachonan di caliber cu trayectoria impresionante den nan carera di show.
Master Groomer, Clarice Holman di Aruba a wordo solicita pa bay prepara (groom) cachonan di show un bes mas. Clarice a bay inicialmente pa prepara 2 cacho (standard poodle) procedente di Irlanda. Ora Clarice su talento y trabao a resalta, el a wordo pidi pa groom 2 cacho adicional procedente di Irlanda y Inglatera. E cachonan a logra haya reconocemento di juez (V.H.C- very highly commented) y tambe gana premio.
Aruba a forma parti di un team di grooming consistente di groomernan di Merca , Alemania, Irlanda y Inglatera. Logronan historico pa Aruba den e ramo di Professional Dog Grooming.
Clarice ta comparti cu Inglatera ta un pais sumamente “dog friendly ” y consciente di cuido di mascota y ta anhela pa un dia e wak su dushi Aruba tambe riba e nivel aki.
Masha pabien cu e exito y reconocemento Clarice Holman y pa representa Aruba dignamente na nivel internacional den e mundo maraviyoso di competencia di cacho.