Whisper Quill a bira e ganador absoluto di e prome Robotics Hackathon teni na Aruba

by Seever Krozendijk
542 views
The Stem Embassy a organisa e Robotics Hackathon 2024 y sin duda e tabata un experiencia unico pa nos hobennan participante. Un competencia di robot unico den su estilo a ser teni diaranson henter dia den e ballroom di Aruba Marriott Hotel🦾🎉
Durante Robotics Hackathon e gruponan participante mester a diseña y programa un sustainable robot, cu mester a sirbi como transporte publico na Aruba. Un area di competencia a ser hinka den otro cu e mapa di Aruba y aki e robot mester a core e riba e rutanan pinta riba e mapa, tur esaki via nan robot diseña. Mester bisa cu e no tabata nada facil ya ca cada grupo a haya 5 minuut den un bataya contra di otro pa yega e destino final. Tin grupo tabata lihe mientras serca algun e no a bay dje lihe ey. E presion tabata enorme y sigur e nerviosismo tabata visibel. Pero asina mes e gruponan a luci y pa un prome biaha sin duda e la bay campeon. 
Den 2023, un grupo di Aruba a bishita  Singapore cu 4 studiante mientras e aña ki e FIRST Global Challenge lo tuma luga na Grecia na fin di september. Pues ganador Whisoer Quill lo haya e oportunidad pa representa Aruba na Grecia.
 
E resultado final ta como lo siguiente
1ste plaats: Whisper Quill
2de plaats: Inspire
3de plaats: Ecobots & 5 Musketeers
 
Un pabien na e organisadornan, e demas participantenan y na e ganadornan muy enespecial. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs