Shanayah Howell a haci su prome prueba di pista termina den e time trail na e Weganan Panamericano Santiago 2023

by Jessica Krozendijk
769 views

Diasabra mainta, e prome atleta di Aruba a mira accion riba e pista di e compleho Peñalolel na Santiago, Chile. E atleta femenino elite di bike cross, Shanayah Howell a core e careda contra holoshi conoci como time trail. Mester bisa cu e careda contra holoshi den BMX ta sirbi pa e coredor posiciona su mes bon pa loke ta e heat nan cu mester core dia e siguiente den e competencia. Shanayah a marca un tempo di 37.900 bon pa un di 11 lugar.

E competencia di BMX femenino ta conta cu tur e mihor coredornan di e continente America manera entre otro e dos medayista di Oro Olimpico di Colombia, Mariana Pajon, campeon di World Cup U23 na juni ultimo, Domenica Cordero di Ecuador como tambe e shete bez campeon nacional di Canada, Molly Simpson.

Nos atleta Shanayah Howell ta cla pa su competencia mañan diadomingo den e Weganan Panamericano Santiago 2023
#TeamARU

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs