For di Pan American Weightlifting Federation y Panam Sports, Aruba Amateur Weightlifting Association a ricibi un invitacion pa Sr. Hugo Themen fungi como referee internacional na e di IV Juegos Suramericanos de la Juventud pa e deporte di Hisamento di Peso cu ta wordo teni na Panama for di 21 pa 25 april 2026.
E competencia di e Weganan aki a tuma lugar den e famoso Centro de Entrenamiento Tierra de Campeones Pandeportes na e ciudad di Panama City. Tabata tin un participacion di 34 referee internacional cu a wordo invita pa bin dirigi e competencia di Hisamento di Peso y un participacion di 44 atleta masculino y 44 atleta femenino for di 11 pais di Continente Suramericano.
Aruba Amateur Weightlifting Association kier a manda palabra di gradicimento na Pan American Weightlifting Federation y Panam Sports pa e invitacion y ta manda pabien na Sr. Hugo Themen como referee internacional pa pais Aruba den e IV Juegos Suramericanos de la Juventud Panama 2026.
