Playoff final Damas Open lo inicia diadomingo awor 9 di juni

by Seever Krozendijk
430 views
La Fama vs Estrella y RCA vs Britannia lo ta e dos weganan pa loke ta e playoff final di futbol Damas Open cu lo inicia diadomingo awor den stadion di Frans Figaroa na Noord pa 6or di atardi. Sin duda dos tremendo partido pa inicia e playoff final. Si nos mira e encuentro entre e 4 ekiponan aki, RCA, Britannia y Estrella ta esnan cu lo por bataya pa e titulo campeonil cu La Fama como e ekipo cu por percura pa sorpresa.  
Den luna di November 2023, e campeonato a inicia unda Estrella ta gana La Fama 3 – 1 y RCA ta gana Britannia 2 – 1. Despues di esaki e ekiponan aki ta topa otro dos biaha mas unda RCA y Britannia ta empata 1 – 1 y 0 – 0 mientras La Fama ta gana Estrella 4 – 1 y Estrella ta gana La Fama 8 – 0. 
Mester bisa cu tur cuater ekipo a hunga 15 wega durante e campeonato regular.
1. RCA a sali na prome lugar cu 38 punto unda nan a gana 12 wega, 2 empata y 1 perdi, nan a anota 76 gol y ricibi 12 gol encontra.
2. Britannia a keda na di 2 lugar cu 34 punto unda nan a gana 10 wega, 4 empate y 1 perdi, nan ta anota 94 gol y ricibi 7 gol encontra. 
3. Estrella a keda na di 3 lugar cu 27 punto unda nan a gana 8 wega, 3 empate y 4 perdi, nan ta anota 35 gol y ricibi 23 encontra. 
4. La Fama a keda na di 4 lugar cu 15 punto unda nan a gana 5 wega, 0 empate y  10 perdi, nan ta anota 33 gol y 67 ricibi  encontra.  
Pa loke ta e goleadornan den e Division Damas nos tin; 
1. RCA
Amy Henao 28 gol
Ellen de Jong 10 gol
 
2. Britannia
Michella Chiki Werleman 14 gol
Loredana Neppi 12
Ashley Douglas 12 gol
Divienne Henriquez 11 gol
Jorainne Wester 9 gol
 
3. Estrella
Liandra Angela 8 gol
Denicienne Maduro 8 gol
Maixenne Wernet 4 gol
Serena Morrison 4 gol 
 
4. La Fama
Joyce Chen 11 gol
Zyana Rogers 11 gol. 
E schedule pa diadomingo awor 9 di juni ta como lo siguiente: 
6or – La Fama vs Estrella
8or – Britannia vs RCA

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs