Giants Aquatics Aruba den e top 20 di 33rd Annual Speedo Winter Championships na Merca! Un team nobo, cu vision, determinacion y gran logro!

by Jessica Krozendijk
825 views

                                     

Durante nan participacion weekend pasa na Plantation, un total di 7 landado di Giants Aquatics a yega final 27 biaha den e top 10! Ta trata di e landadonan Neymar Rasmijn, Naveen Lamers, Xylan Anthony, Avi Tromp, Inald Fernandes Perna, Patrick Groters y Jordy Groters.

Giants a conta tambe cu 3 relay di e hobennan Wolf Massez, Ian-Zion Bakmeyer, Gideon Flanegien y Xylan Anthony  y 1 relay di e landadonan Hau Yan Chan, Luis Mario Arends, Inald Fernandes Perna y Tristan Niebles Diaz. E landadonan di e relaynan no a perde pa gana y bou grito di apoyo di e team, tur 4 relay a score punto pa e team den finals!

E landadonan individual cu a yega den top 3 di finals ta:

Avi Tromp a trece 1 medaya brons;

Inald Fernandes Perna a trece 2 medaya brons;

Jordy Groters a bin cu 1 medaya di oro y un silver;

Patrick Groters a bin cu 1 silver y 4 brons, cu a posicion’e na e di 3 lugar den high point Award den e categoria 17 & over.

Bou guia di head coach Jordy  Groters y coach Darwyn Marchena, Giants Aquatics a keda na di 18 luga entre mas cu 64 team cu a participa, compara cu  aña pasa, cu Giants Aquatics a posiciona su mes na di 32 lugar. Pues, esaki ta un gran adelanto pa e team, cu lo cumpli su di 4 aña di existencia pronto.

Directiva di Giants Aquatics ta gradici tur e mayornan cu a yuda asisti cu gran entusiasmo den un bon team work durante e competencia y asina haci e participacion di e landadonan aki uno mas efectivo.  Tambe directiva ta extende un gradicimento na tur sponsor cu a yuda cada landado individual pa cu nan participacion.

Tabata un weekend increibel di gozo y caredanan lihe pa historia di Giants. Ta momento pa celebra e gran logronan aki prome cu cuminsa traha pa e siguiente caredanan den 2024.

Stand Tall, Giants!

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs