Comite Olimpico Arubano a tene su Asamblea General

by Jessica Krozendijk
381 views

Diaranson anochi den ballroom di Holiday Inn, 13 Federacion afilia na Comite Olimpico Arubano a presenta na e ultimo Asamblea General unda a trata e relatonan di aña 2022 y na mes momento a mira padilanti pa 2024. Prome a toka e tono glorioso Aruba Dushi Tera, sigui pa e Himno Olimpico. Manera custumber a repasa e lista di presencia pa asina introduci tur esnan presente na e Asamblea General y a pidi e aprobacion di agenda.
Presidente di COA, Wanda Broeksema a inicia e anochi yamando tur esnan presente bon bini y duna inicio na e Asamblea. Mirando e exito di nos atletanan y nos deporte, sra. Broeksema a pidi e federacionnan presente pa pone enfasis na tres punto hopi importante esta Confiansa, Dedicacion y Conhuntamente. E tres puntonan aki lo ta crucial atrobe pa cualkier exito den 2024.
Pa e relato anual di 2022, Comite Olimpico Arubano a introduci un forma nobo di presenta esaki unda a haci e review di aña 2022 completamente visual pa esnan presente por a mira. Tanto sra. Broeksema, sra. Hoevertsz y sr. Werleman di COA a elabora riba puntonan cu mas a resalta durante aña 2022 manera, e weganan na cua a participa, e resultadonan obteni pa nos atletanan, e partnernan nobo di COA, etc, etc
Tesorero di COA, sra. Juelle Thode, hunto cu representante di EY, sr. Jonah Warner
a pasa riba e financial statements y review di aña 2022. Ta bon pa bisa aserca cu COA y EY ta prolonga nan cooperacion, cu ya ta existi desde 2004, awor tambe pa futuro. Un logo nobo ta expresa e cooperacion aki entre e dos entidadnan.
Secretaria General di COA, sra. Nicole Hoevertsz a resumi encorto riba a audit cu COA a pasa aden aña pasa riba recomendacion di Olympic Solidarity. E mas importante cu por a conclui di e audit aki cu no tabata tin ningun irregulidad constata y tur cos tabata positivo y segun regla. Algun recomendacion cu a sali for di e audit a wordo aproba tambe pa asamblea y awor lo bira parti di e forma di traha den COA.
Den e di dos parti di e Asamblea General a duna un presentacion pa loke ta e plan di maneho den 2024. Mester bisa cu basa riba proyectonan, actividadnan, y maneho cu directiva ta desea di ehecuta specificamente den 2024, a presenta tambe e presupuesto pa 2024. Mirando cu ta un aña Olimpico (Paris 2024) lo bay tin varios actividad relaciona cu e preparacion pa e Weganan Olimpico, preparacion di atleta, recorido di antorcha, djis pa menciona algun.
Tambe a hasi algun cambio den constelacion di Directiva. A eligi Maarten Willems como segundo Secretario General. Randall van Trigt a keda eligi como e Comisario nobo di Comite Olimpico Arubano. E cambionan aki a bira necesario mirando cu Zulema Dabian-Erasmus a retira for di e directiva debi cu e lo emigra dentro di poco pa Merca unda e lo eherce su funcion nobo como Minister Plenipotenciario na Washington, DC.
COA kier a gradici sra. Zulema Dabian-Erasmus pa su gran aporte y dedicacion durante e añanan cu su persona a fungi den e directiva di COA.
E famia di COA kier a gradici tur e Federacion nan presente y tambe kier a desea nan como tambe e pueblo di Aruba un feliz dianan di fiesta den compania di nan famia y pa aña 2024 ta uno cu mas logro deportivo pa Aruba.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs