Pa mas cu 10 aña, e 25 miembro nan di Volunteer Motor Unit ta activo riba un base boluntario y ta yuda asisti den varios eventonan di deporte incluyendo careda y caminatanan di IBISA y Patrishi Sports como tambe caredanan di bicicleta di Aruba Wielerbond y triathlon di Aruba Triathlon Association.
E meta principal di Fundacion Volunteer Motor Unit ta pa mantene e seguridad di nos participantenan riba caminda door di percura pa e trafico no stroba e trankilidad di nos deportistanan. Den mayoria caso VMU ta sera cada caminda pa trafico no subi e ruta di cada evento. E ayudo brinda di parti VMU ta uno crucial pa un bon continuacion di cada evento deportivo. Fundacion VMU pa 4 aña sigui ta haya e premio Volunteer of the Year award di Patrishi Sports.
Mester corda semper cu ora bo ta traha cu un grupo di boluntario esaki ta e pensamento su tras; ‘Your team makes our dream work’
Un palabra di pabien di parti nos di 297sports pa tur miembro di Fundacion Volunteer Motor Unit.
