Pa dos dia largo, scolnan di EPB a ricibi bishita di nos Reina Mundial di windsurfing. Diaranson mainta, EPB San Nicolas su alumnonan a sera conoci y haya charla di nos orguyo, Sarah Quita. E bida di Sarah Quita Offringa como atleta profesional y su logronan na nivel mundial semper tin e atencion bou di nos alumnonan di scol.
Con e la inicia cu e deporte di windsurf y con leu e la yega cu esaki semper lo keda memorable pa tur cu scucha esaki. Mas cu claro su storia ta uno inspirativo ya cu biniendo for di un isla asina chikito y logra cosnan asina grandi tin su sacrificio cune. E alumnonan a mustra nan entusiasmo y a haci diferente pregunta na final sin lubida riba e potretnan cu no por a falta.
Jufrouw Oduber den nomber di EPB San Nicolas a gradici Sarah Quita Offringa pa e bunita mainta yena cu palabranan di motivacion pa nos alumnonan scol.
