Diabierna merdia stadion di Nadi Crismo na Sta Cruz tabata repleto di hende ya cu tabata tin e gran final di Kleuter Kids Athletics pa scolnan preparatorio, un evento organisa pa Aruba Athletic Federation den colaborcion cu World Athletics y e programa Grant for Growth.
Mester bisa cu tur mucha, maestro y mayornan a gosa un mundo unda e apoya tabata fenomenal. Mucha tur a haci nan best y representa nan scol manera debe ser. Tur scol a presta bon, tur a haci nan maximo esfuerso y aki Prome Paso Kleuter tabata un step dilanti e otronan y haci bira e triunfador.
Na final e muchanan a haya como regalo diferente juguete pa asina nan por sigui entrena nan ehericionan di Kids Athletics. Mas cu claro e refreshment pa tur mucha no por tabata falta.
Resultado final:
1st place: Prome Paso
2nd place: Nos Paraiso
3rd place: Adventist Academy
4th place: Prinses Amalia
5th place: Arco Iris
Un pabien grandi na tur cu e haci e atardi aki uno inolvidabel pa nos muchanan.
