Participacion masal ariba prome dia di Aruba Bank Walk & Run 2024

by Jessica Krozendijk
358 views

Dialuna atardi pa exactamente 6:30 di atardi a inicia e prome dia di e evento di 4 dia, Aruba bank Walk & Run 2024, den districto di Paradera. Esaki ta e di 18 edicion di e caminata di mas grandi riba nos isla. E caminata a cuminsa cu un participacion masal riba e prome dia, unda por a mira un participacion grandi di personan coriendo y canando riba e ruta na Paradera pa cumpli cu e 5.25km di distancia di e prome dia.

E participantenan tabata feliz di a completa e prome dia y ta ansioso pa participa den e proximo 3 dianan. Manera añanan anterior, participantenan mes a bai cu nan boter di awa pa asina disminui e cantidad di desperdicio di cups riba caminda. Aruba Bank ta orguyoso pa mira cu e participantenan ta mantene e evento plastic free.

Hopi mirones y fanaticada banda di caminda ta apoya e participantenan pa sigui pusha y cumpli cu e meta di e prome dia, algo cu sigur ta haci e evento aki aun mas grandi. 

E di dos dia di Walk & Run ta cuminsa y caba na Joe Laveist, San Nicolas y tambe lo sali pa exactamente 6:30PM. Dia 22 di mei e careda ta sali for di Plaza Deto Varis na Sta. Cruz y diahuebs ta culmina na Aruba Bank Camacuri Branch. Un invitacion na pueblo di Aruba pa para banda di caminda y apoya e coredornan pa nan yega final di e di 18 edicion di Aruba Bank Walk & Run 2024. Ta recomenda pa car-pool pa alivia e trafico durante e siguiente dianan, bisti keds confortabel y bebe hopi awa pa keda bon hidrata y trece bo boter di awa.

Pa mas informacion of pa download e Walk & Run App y ricibi resultadonan live: https://arubabank.com/Campaigns/Walk-and-run-2024

Sigui nos via: https://www.facebook.com/Arubabank

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs