Dutch Caribbean 10-Ball Challenge 2023 dedica na Richard Wolff 

by Seever Krozendijk
520 views

Pizza Hut ta presenta Biyar Internacional na Aruba. Esaki ta di dos aña consecutivo cu gerencia di TT BILLIARDS ta organisa un torneo internacional y cu un dedicashon special. Na 2022 a reconoce e gran biljarista Orlando “Indio” Kelkboom. E aña aki ta toca turno na e maestro Richard “The Wolman”. Richard a cuminsa practica e deporte di billiard na un edad hopi jong, bou di e guia di q.e.p.d. Michel Victoria. Richard por ser jama e “campeon di tur tempo” paso for di decada 80 te cu awor, Richard ta keda titula campeon na varios ocashon. Como highlight internacional The Wolfman a titula Campeon Granprix na nivel Panamericano na 2004 y a gana multiple torneo den e region diABC. Tambe Richard ta e promer hungador pa representa Aruba na un Mundial y a hasi esaki na varios ocashon.  E weekend venidero hungadornan lo jega di Curaçao y Bonaire pa bataya den un torneo fuerte y di bon nivel. Asina nan ta duna nan aporte na e ocashon aki special pa Richard Wolff. Programa ta start diahuebs awo pa 3or, continua diabierna 6or y diasabra lo start 1or di merdia. Si ta necesario lo tin weganan riba diadomingo. Aruba completo ta invita pa jega TT BILLIARDS na Tanki Leendert y disfruta di bon bataya di billiard. E magno evento aki no lo ta posibel si no a haya coperashon di FEBIAR y sosten financiero di Pizza Hut Aruba, C.M.B. Cunucu Fresh, Oranjestad Garage, Aruba Green Riders, Get Rich Lottery, Eumar Lock, Auto Pro Body and Paint

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs