1.7K
Un tristo noticia cu nos a caba di ricibi ta cu e conocido ex-bodybuilder y personal trainer Rpdney Pieternella a bay alaga nos. Na bida Rodney tabata conoci como entrenador di bodybuilding y a prepara numeroso atletanan di bodybuilding den pasado y awor. Den pasado, Rodney mes tabata un atleta di bodybuilding.
Hunto cu su tata Stanley(ambos awor den felis memoria) nan tabata un tag team cu a logra varios titulo pa Aruba preparando nos atletanan di bodybuilding. Tambe Rodney a yuda masha hopi otro deportista den nan preparacion pa cualkier competencia
Ni algun siman atras, Rodney a acompaña e atleta Sharleen Hengeveld cu a logra un 2nd Place 2023 den e IFBB Elite Pro WPD World Championship y 2023 Roger Boyce IFBB Elite Pro Classic den exterior.
Kiko realmente a conduci na e fayecimento di Rodney nos no ta na haltura ainda. Hopi ta wordo papia pero nos ta prefera di no specula.
Un palabra di condolencia y forza na henter su famia, amigo y conocirnan. Cu Rodney Sosega na Paz den Brasa di Señor Dios.
Mundo di deporte na Aruba ta di luto.
#297sports