Bucuti Yacht Club lo celebra nan di 50th Bill Fishing Tournament, e dianan 3, 4 y 5 di november proximo 

Un torneo di pesca cu abo no por perde. E di 50 aniversario di e Bill Fishing Tournament organisa pa Bucuti Yacht Club ta premira di bira grandi. Ta ser spera un elenco di yatenan di taya cu lo competi pa e torneo di pesca aki. Mas cu claro lo bini yatenan di exterior cu tambe lo midi forza contra di esnan di Aruba. Mester bisa cu henter e weekend ey lo bay tin diferente actvidad relaciona cu e celebracion di e di 50 aniversario di Bucuti Yacht Club. Lo bay tin bendemento di cuminda, banda pa deleita tur presente y sin lubida e bar cu semper ta bon surti.

Bucuti Yacht Club a keda funda riba 19 di januari aña 1967 cu ta 56 aña pasa. E tempo aya y te ainda Bucuti su torneonan ta Bill Fish. Den añanan 70 y 80, botonan di Republica Dominicana, Venezuela, Corsow, Boneiro y Aruba tabata participa na e dos dianan di torneo. E temponan ey e premionan tabata trofeo cual tabata un prestigio pa gana. Loke a resalta ta e Bill Fishing Tournament tabata hermandad deportivo cu tabata reina entre e participantenan. Y awe na 2023, e torneo di Bucuti lo celebra nan di 50 aniversario. 

Keda pendiente pa e conferencia di Prensa unda lo bini cu mucho mas detaye di e 50th Bill Fishing Tournament powered by Bucuti Yacht Club.