1K
Awe nos por a mira otro dos hoben atleta di Beyond Sports Limit Foundation Aruba luci durante e evento di coremento na Bushiri Speedway. Zaydee y Shawndre a core riba e pista y a mustra cu limitacion no tin limite, nan a haci nan best y termina nan careda.
Zaydee Arcaya ta un mucha muher cu gusta core, modela y baila. Zaydee a cuminsa core na 2023 danki na Patrishi Sports cu a habri un categoria special pe y Beyond Sports Limit cu ta coach Zaydee. Zaydee ta core semper bou di un di su coach nan cu ta forma parti di Beyond Sports Limit Foundation. Sea ta Gerald Moreta of Brainer Lampe. Awe e la core cu su coach Brainer Lampe di Beyond Sports Limit pa sigui demostra cu deporte no tin limitacion. Zaydee ta inspirando mas mucha pa join e comunidad di coremento.
Di otro banda, Shawndré Geerman di 20 anja a wordo inspira door di Zaydee pa join e comunidad di coremento. Shawndré ta un Modelo Internacional, gusta su gym unda e ta wordo dirigi door di su coach, gusta train core, toca drum, toca conga y hunga tennis.
Awe Shawndré a experencia su prome careda cu coach Brainer Lampe, cual sin duda e la gusta masha hopi mes. Na su yegada porcierto mescos Zaydee, tur presente a aplaudi cu grito.
Zaydee y Shawdré ta forma parti di e team di Shoco Veloz Arubiano y Beyond Sports Limit bow guia di coach Brainer Lampe y Gerald Moreta
Pabien Zaydee y Shawndre como tambe na Beyond Sport Limit Foundation.