604
Coach Melvin Dabian bibando na Merca a forma un Ultra Team pa e magno evento di Ragnar Trail Race cu lo tuma lugar dia 8 y 9 di Augustus 2025 na West Virginia, USA.
Pa bay bek un tiki den historia.
Na 2018 caba pa promer biaha un Ultra Team di 6 atleta di Aruba a participa na e magno evento di Ragnar SoCal ( California ). Coach Melvin tambe tawata forma parti di e Ultra Team aki. Por biba e momentonan aki riba e FB page di “Ragnar So Cal team Aruba Ariba”.
Tawata Ragnar Relay Road di 300km. Careda aki a cuminsa na Huntington Beach y a termina na San Diego. Di un State pa otro State. Mester menciona cu Team Aruba a logra un 2do Lugar.
Despues di 7 anja Coach Melvin ta bay bek pa Ragnar pero e biaha aki e challenge ta uno mas pisa pasobra esaki lo ta puro Trail cu un Ultra Team di 4 Atleta.
E Ultra Mix Team ta consisti di conocido coredor Alricc Kock cu tambe tawata parti di e Team Aruba na 2018. Kiermeen tanto Coach Melvin I Alricc tin pleno experiencia di e caredanan aki di Ragnar cu nan a haci hunto. Tambe a scoge atletanan conoci Pauline Vackier y Monica Sanchez pa forma parti di e Team.
Den un otro relato nos lo trece un poco mas informacion y detayes di con e careda aki Ragnar Trail Appalchians ta hinca den otro. Sigur por bay riba www.runragnar.com pa sera conoci cu e concepto.
E atletanan na Aruba lo cuminsa cu nan preparacion pa e careda aki, mientras Coach Melvin na Merca lo sigui cu e parti di coordinacion y preparacion tambe pa e careda.
Sigur nos ta desea e Team di Aruba tur clase di exito I nos lo sigui e preparacion di cerca !
