E Arubiano Bjorn Hart ta forma parti un biaha mas di seleccion Hulandes di zaalvoetbal cu ta consisti di un delegacion di 25 hungado hunto cu staff, cu ta bai participa den Deaflympics cu lo tuma lugar na estado Erzurum na Turquia. E torneo ta tuma lugar entrante 28 februari te cu 13 maart. E prome encuentro di selecion Hulandes ta dia 2 maart contra Iran.
Estado Erzurum ta keda 1300 kilometer Oriente di Istanbul, y ta riba 1850 meter halto cu un temperatura di 5 grado.
E paisnan cu ta participa ta:
Poule A: Turquia, Iran, Italia, Hulanda
Poule B: Japon, Brazil, Checo, Kenia
Poule C, Spaña, Kuwait, Algeria, Thailand.
Bjorn tin mas cu 20 aña hungando voetbal activo na Hulanda y cu su disiplina un biaha ta forma parti di seleccion di Hulanda.
Nos ta desea Bjorn Hart hopi exito cu e torneo den seleccion Hulandes.
