Pa di tres anja consecutivo, Wuill Vrolijk y Anthony Rasmijn hunto cu nan club Rotterdam Atletiek ta logra conkista e prome lugar y asina bira imbatibel den e Nederlandse Kampioenschappen Club Teams.
E atleta Vrolijk ta logra bula 2 meter y 5 centimeter den e salto halto cual sin duda ta un tremendo bula.
Di otro banda e atleta specialisa den distancia medio, Anthony Rasmijn tambe ta haci un bon papel durante di e Nederlandse Kampioenschappen Club Teams. Aki Anthony huntu cu Bonevacia, Broers y Klein Ikkink a marca historia pa Hulanda, kibrando e record hulandes di club estafette 4×400 cu tabata tin 22 anja para. E record nobo hulandes club estafette a bira 3:08,46, anteriormente 3:08,89 (1988)
Masha pabien Wuill Vrolijk y Anthony Rasmijn. Aruba ta super orguyoso di boso .
