Brighter Future Academy Foundation ta invita abo pa participa den nan magno evento ‘bike for a brighter future Ride’, cual lo bira un recorido riba bicicleta unda lo recauda fondo pa e fundacion Brighter Future Academy Foundation, un scol pa muchanan cu autismo, ADHD/ADD, down syndrome, cerebral palsy, y otro retonan di comportacion.
E evento ‘bike for a brighter future Ride’ lo tuma lugar diadomingo 28 di mei y lo inicia na Mozart straat 11 pa 5.30 di mainta.
E ruta lo ta Mozart straat 11(parti patras di ex Juliana school Mavo) subi Linear Park te rotonde Mahuma djey lora pasa e parti paden rumbo Wayaca Falls te na DIP/DOW/Kadaster, djey subi Watty Vos Boulevard te na e rotonde di Fatum di eynan sigui rumbo Amsterdam Manor lora bek via LG Smit Boulevard bay bek rumbo e scol na Mozart Straat 11.
Mester bisa cu cada recorido ta 25km, pues ta depende cuanto kilometer bo kier hasi pa yuda e scol pues por bay di 1 2 3 of 4 recorido, pues 25km, 50km, 75km of 100km.
E meta di Brighter Future Academy ta pa recauda fondo pa terapia adicional pa nan alumnonan, manera logopedie, terapia ocupacional, y servicionan psicologico. E scol no ta ricibi subsidio di Gobierno y mester haci evento pa recauda fondo pa asina sigui yuda e muchanan. Awor aki e donacion individual cu ta ricibi ta yuda e muchanan pa haya extra terapia cual ta hopi importante pa nan desaroyo y calidad di bida.
Manera a bisa anteriormente e ‘bike-a-thon’ tin 4 diferente distancia disponibel esta 25k, 50k, 75k, y 100k ruta. Bo por scohe un di e distancianan aki busca bo patrosinador cu lo kier yuda abo pa kilometer y asina abo por contribui na e super bon causa aki pa nos muchanan cu mester di esaki.
Bo kier ta aden? Si. Por yama e number 5920662 of manda un e-mail na brighterfuturearuba@gmail.com
Si abo ta interesa pa haci un donacion, por haci esaki via Brighter Future Academy Foundation (Kvk #S1936.0 Tax ID 10035136) cu adres Mozartstraat 11 via Aruba Bank: 6031070190.
Mira e flyer pa mas informacion
