135
Emma Gobert su participacion na Grenada a yega su final unda ela debuta na e weganan aki y a core e 1500m y e 3000m. Apesar cu Emma ta bini den e mundo di triathlon, e la demostra cu e dos disciplinan esta coremento y landamento e ta super dominante den esakinan.
Durante su participacion na Grenada den e categoria Girls U17(Emma mes tin 14 anja), e hoben Gobert ta logra impone mehorando dos record nacional. Riba su prome participacion na Grenada den e 1500m U17, Emma ta finalisa na di 6 lugar den un tempo di 4:53.84. Cu esaki Emma ta mehora e record nacional di Aruba den e disciplina aki cu 10 seconde. Diadomingo, Emma ta mira accion un bes mas y ta core e 3000m Open (U17 y U20) y aki Emma ta finalisa na un di 4 lugar marcando un tempo di 10.36.37. Cu e tempo aki tambe Emma Gobert ta mehora e record nacional di Aruba cu 1 minuut y 11 seconde.
E hoben atleta Emma Gobert sin duda nos lo bay tende hopi mas di dje den futuro sercano. Den su prome participacion na e Carifta Games den atletismo, e la demostra ya caba tur esaki y ainda por participa na 4 pa 5 Carifta Games mas. Mester proteha atletanan manera Emma Gobert cu lo por logra cosnan grandi den deporte pa nos isla. Emma ta mimebro di Sportsz4U Triathlon Academy
Pabien Emma, keep going girl.