762
![](https://297sportsaruba.com/wp-content/uploads/2024/03/DriftwoodLogo_2019_2-300x143.png)
Diabierna awor dia 12 di april lo ta e gran dia pa e magno evento Ronde van Aruba organisa pa e departamento di deporte di Mariniers Kazarne na Savaneta. Combersando cu e organisadornan MSK Savaneta nos tin cu bisa cu tin 708 participante cual ta un record cu e grupo di mas grandi cu ta e 144 estafette. Tin un total di 16 coredor individual y tambe 58 duo teams cual ta e cantidad mas grandi den historia di RVA.
![](https://297sportsaruba.com/wp-content/uploads/2024/03/DriftwoodLogo_2019_2-300x143.png)
Diahuebs awor dia 11 pa 7or lo tin briefing na MSK Savaneta. Tur hende por cuminsa yega ya for di 6or di atardi. Mester bisa si cu ainda nos no ta sintiendo e fiebre di Ronde van Aruba manera e mester ta. Kizas tur ekipo ta preparando den pleno silencio pa asina no divulga mucho secreto. Di aki banda nos kier a desea tur participante hopi exito.
![](https://297sportsaruba.com/wp-content/uploads/2024/02/Powerade-Logo-2-300x143.jpg)
Adhunto algun imagen pa keinta tur hende pa diabierna awor. No lubida cu cualkier imagen di Ronde van Aruba cubo usa sea ta di 2010 of 2023, e ta keda un evento MONSTROSO YENA DI ADRENALINA paso RVA ta keda RVA.
Nos di 297sports lo tin un team all over e biaha aki.