Conoce e coredornan di Viper goes London

by Seever Krozendijk
637 views

Despues di algun luna intensivo di entrenamento, lanta trempan, come saludabel, entrenamento riba forza y cu hopi disciplina, e coredornan Filomena Paesch, Esther Colina y Carla Fingal ta cla pa e Major TCS London marathon. Pa prome nan kier a gradici coach Melvin Dabian, paso sin su guia e lo tabata dificil pa logra bay core e marathon di London. Pa cada un di nan, un plan a wordo traha pa asina nan por a entrena riba dje, esaki den combinacion di e resultadonan di nan ultimo competencianan. Mas cu claro kier a gradici Team Viper pa e confiansa den nan, bunita palabranan di exito.

Filomena Paesch:

Despues cu Filomena a core su prome marathon na 2016 na Miami, 8 anja despues e ta cla pa core e London Marathon. Esaki lo bira Filomena su prome Major marathon. Filomena su meta ta pa dentro di algun anja core tur e 6 Major Marathon nan pa asina obtene e medaya di 6 Star Abbott Marathon. Esey ta Filomena su sonjo.

Esther Colina:

Pa Esther esaki lo bira su di tres major marathon, y pero entotal Esther ya a core 5 marathon caba. Su prome Marathon tabata na Miami na 2022 cu un tempo fantastico tijd (3:59). Despues Esther a core e marathon di Amsterdam (4:05).  Na 2023, Esther a core e Disney World Marathon (4:33). Su prome major marathon tabata esun di Boston(4:02) y Berlin(4:24). Esther su meta ta pa core tur e 6 Major marathonnan na Mundo y obtene tambe su 6 Star Abbott MM. Cada marathon tin su reto, pero e sacrificio y e amor pa e deporte di coremento ta pone cu Esther ta caba tur su caredanan.

Carla Fingal:

Despues di tur barera y obstaculo, Carla a dicidi cu e ta bay cuminsa core. Prome e la haci esaki su so y despues bou guia di coach Melvin Dabian.

Carla a participa na 5 kilometer, 10 kilometer, 15 kilometer y varios half marathon esakinan na Aruba, Miami y Hulanda. Awor pa Carla a yega e ora pa laga su sonjo bira un realidad esta core su prome full marathon. Mas cu claro esaki ta trece un extra tension cune mirando e distancia pero Carla ta cla pe mirando e proceso di preparacion cu e la hiba. Na e programa di entrenamento e no lo bay ta, pero e satisfaccion cu tur e entrenamentonan aki a trece cune. Carla su dicho “ na e edad aki uno no sa con hopi mas e lo por bay, pues gosa awor. Carpe diem. Y loke ta haci esaki mas bunita ta cu henter Carla su famia lo ta presente pa mire core su prome Major Marathon na London.

Nos di 297sports kier a desea Filomena, Esther y Carla tur clase di exito. Esaki ta 297sports, e pagina social dedica na deporte, unda storia exitoso y motivante ta wordo skirbi y promovi brindando e atleta, coach y dirigente e oportunidad pa sirbi su comunidad den un forma ehemplar powered by Subway Aruba Lotto Cambiando Bida Bright Bakery SETAR NV Tropical Bottling Company y Driftwood Restaurant

 

 

 

 

 

 

 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs