Den e dianan aki nos por a observa varios di nos studiantenan cu ta combina nan studio cu deporte a finalisa nan estuio collegial y obtene sea ta nan bachelor of masters. Mas cu claro esey ta un paso grandi poni pa loke ta nan futuro. Sin duda un tremendo escohencia di nos atletanan caminda nan a combina dos area cu nan ta gusta y durante anjanan sobresali den esakinan cu tur e honornan cu e ta trece cune.
Mas cu claro e tin un ventaha ora bo ta studiante/atleta.
Forma parti di deporte universitario ta bon pa diverticion, emocion, y ta hopi e area di deporte por siñabo. E ta siñabo honestidad, aceptacion, spiritu deportivo y teamwork. Ta un studiante/atleta ta pone bo sinti como un “allrounder”, e ta aumenta e confiansa cu abo mester tin den bo mes y bo capacidad pa logra cosnan grandi. Como atleta bo ta desaroya forsa fisico, biba un bida saludabel y conciente. Bo por comparti y conseha bo sabiduria na otro pa nan tambe keda persevere pa bira un mihor di nan mes mañan.
Un pabien na Elisabeth, Anahi, Shawney, Anthony y Joshua
